Beynəlxalq BMT Təhlükəsizlik Şurası Model Konfransı təşkil olunacaq

Birləşmiş Millətlər Təşkilatının İnkişaf Proqramı və Gənclər və İdman Nazirliyinin birgə dəstəyi ilə 21-25 oktyabr 2013-cü il tarixlərində ölkənin ilk Beynəlxalq BMT Təhlükəsizlik Şurası Model Konfransı təşkil olunacaq. Dörd günlük konfrans Azərbaycan da daxil olmaqla, hazırda BMT Təhlükəsizlik Şurasına üzv olan 15 ölkədən 45 tələbə və məzunları bir araya gətirəcək. Seçilmiş namizədlər qlobal təhlükəsizlik məsələlərində zəngin təcrübəyə malik keçmiş və hazırkı diplomatların olacağı, BMT-nin İctimai İnformasiya Departamenti ilə birgə hazırlanmış iki günlük konfrans öncəsi təlim seminarında iştirak edəcəklər. Daha sonra onlar Kiber Təhlükəsizlik üzrə BMT TŞ-nın simulyasiya sessiyasına qatılacaqlar. Tədbir ərəfəsində konfransın Prezidenti Hannah Moosa Azərbaycanda səfərdədir. Səfərin məqsədi konfrans ərəfəsində yerli iştirakçıların bilik və bacarıqlarının artırılması istiqamətində olan təlimlərdə və konfransın işçi sənədlərinin hazırlanmasında yaxından iştirak etməkdir. Toronto Universitetinin Siyasi elmlər fakültəsinin PhD doktoru olan və münaqişələrin qarşısının alınması, regional inteqrasiya, əməkdaşlığın təşviqi istiqamətlərində elmi araşdırmalar aparan Hannah Moosanın eyni zamanda BMT Təhlükəsizlik Şurası Model Konfranslarının keçirilməsində 12 illik təcrübəsi var. Konfransda nümayəndə kimi fəaliyyətə başlayan Hannah Moosa müxtəlif vaxtlarda ABŞ, Kanada, İsveçrə, Cənubi Afrika Respublikasında keçrilən BMT Model Konfranslarında direktor koməkçisi, direktor, təşkilatçı vəzifələrini icra edib. O, eyni zamanda 2009-cu ildə BMT-nin İctimai İnformasiya Departamenti tərəfindən təşkil olunan Birinci Qlobal BMT Model Konfransının (GMUN 2009) icraçı direktoru olub.
Qeyd edək ki, BMT Modeli tələbələrə diplomatiya və əməkdaşlıq dünyasını təsvir edən BMT Baş Assambleyası, Təhlükəsizlik Şurası və digər BMT qurumlarının real həyat simulyasiyasıdır. BMT Modelində tələbələr təşkilatın gündəliyindəki cari məsələlər üzrə müzakirələr aparırlar. Daha çox “nümayəndə heyəti” kimi tanınan tələbələr problemləri həll etmək üçün beynəlxalq əməkdaşlığın səfərbərliyi naminə qətnamə layihəsi, strategiya planı hazırlayır, tərəfdaşlar və rəqiblərlə danışıqlar aparır, konfliktləri həll edirlər.

Advertisements
Bu yazı Məqsəd kateqoriyasında dərc edildi. Daimi bağlantını seçilmişlərinizə əlavə edin.

Bir cavab yazın

Sistemə daxil olmaq üçün məlumatlarınızı daxil edin və ya ikonlardan birinə tıklayın:

WordPress.com Loqosu

WordPress.com hesabınızdan istifadə edərək şərh edirsinz. Çıxış /  Dəyişdir )

Google+ foto

Google+ hesabınızdan istifadə edərək şərh edirsinz. Çıxış /  Dəyişdir )

Twitter rəsmi

Twitter hesabınızdan istifadə edərək şərh edirsinz. Çıxış /  Dəyişdir )

Facebook fotosu

Facebook hesabınızdan istifadə edərək şərh edirsinz. Çıxış /  Dəyişdir )

%s qoşulma